“Trepça” thyen rekordin e prodhimit

0
243

Drejtori i “Trepçës”, Ahmet Tmava, i ka thënë “Zërit” se në 3-mujorin e parë të vitit 2016 është thyer rekordi sa i përket prodhimit të koncentratit të zinkut dhe plumbit, pas që ka tejkaluar prodhimin e tremujorëve të parë të të gjitha viteve paraprake.

Ai tha se deri më 13 maj Qeveria do ta procedojë në Kuvendin Ligjin për “Trepçën”

Ndonëse çështja e “Trepçës” ndodhet në fokus të të gjitha institucioneve të shtetit të Kosovës, dhe të atyre të Serbisë, prodhimi në tre muajt e parë të këtij viti ka shënuar rritje, madje edhe është thyer rekordi i viteve të mëparshme.

Ndonëse gjiganti kosovar akoma përballet me probleme të njëjta, sikurse në vitin e kaluar, sidomos me moszgjidhjen e statusit të saj, minatorët vazhdojnë ta bëjnë punën e tyre të jashtëzakonshme për të nxjerrë xehen. Ata kishin pakënaqësi, të cilat i kishin shprehur edhe më përpara, por tani të gjithë i janë kthyer punës dhe angazhimit maksimal.

Drejtori i “Trepçës”, Ahmet Tmava, i ka thënë “Zërit”, të premten, se në 3-mujorin e parë të vitit 2016 është thyer rekordi sa i përket prodhimit të koncentratit të zinkut dhe plumbit, pas që ka tejkaluar prodhimin e tremujorëve të parë të të gjitha viteve paraprake. Sipas tij, kjo është bërë falë angazhimit maksimal të minatorëve dhe të të gjitha strukturave të “Trepçës”.