Vendimi i prerë

57

“Vendimi i prerë nuk të jep mundësi që të mendohesh e të kesh dyshime, por të jep fuqi të madhe, e cila të orienton drejt realizimeve të qëllimeve të tua.”

Dr. Ibrahim el-Fekij

A ke parë ose dëgjuar ndonjë njeri të thotë: “Vendosa ta braktis duhanin!”, pastaj e ke parë sërish duke pirë?

A njeh ndonjë njeri prej atyre që dëshirojnë ta ruajnë shëndetin dhe thotë se kam vendosur që të mbaj dietë, të merrem me sport dhe do të jem i kujdesshëm në konsumimin e ushqimit, do të zgjedh ç’të ha. Mbase me të vërtetë e nis këtë dietë, mirëpo nuk e mban gjatë, kalon një kohë e shkurtër dhe ai prapë kthehet siç ka qenë, por ndodh që të shtojë edhe më shumë kilogramë. Njeh ndonjë të tille?

Shumica e njerëzve vendosin për disa gjëra, mirëpo nuk i vënë në praktikë, ndërsa, nëse e vënë në praktikë, e bëjnë këtë për nje kohe shume të shkurtër dhe më pas kthehen në gjendjen e meparshme.

Dhe pyetjet që duhet t’i bëjë ai dëshiron me te vertetë të realizosh qëllimet e tua dhe çfarë lloji është vendimi që ka marrë?

Fjala vendim vjen nga gjuha greke, gjegjësisht nga fjala “dukajtiri” që do të thotë “i prerë”. Pra, vendimin që njeriu merr për ndonjë çështje të caktuar duhet të jetë vendim i prerë. Kjo nënkupton se ai nuk duhet të ndryshohet, nuk ka kthim pas sado të mëdha të jenë sfidat apo pengesat dhe cilado qofshin ndikimet e jashtme apo të brendshme.

Njeriu që thotë se ka vendosur të braktisë duhanin dhe pastaj vazhdon ta konsumojë atë, nuk ka pasur vendim të prerë e as qëllim të qartë për të realizur dëshirën e tij.

Nëse i vështron njerëzit që të rrethojnë do të shohësh shumë njerëz të suksesshëm dhe të gjithë ata kanë korrur sukses ngase kanë vendosur në mënyrë të prerë që të jenë të suksesshëm, por edhe kanë pasur dëshirë të flaktë për të qenë të suksesshëm. Kanë menduar pozitivisht dhe kanë qenë të përpiktë në veprimtarinë e tyre.

Ky është “vendimi i prerë” për të cilin unë po flas… vendim të cilin e kishte marrë Helen Kiler dhe u be kampione e botës duke pasur parasysh se ajo ishte e verbër, memece dhe e shurdhër, gjithashtu.

Është “vendimi i prerë” që kishte marrë Halid Hasani, i cili notoi kanalin dhe fitoi garën, edhe pse ai ishte pa këmbë, kishte humbur këmbët në një aksident qysh kur kishte qenë fëmijë.

Vendimi që bëri Xhemalet Bejdanin të formojë shoqërinë e njerëzve me të meta me më shumë se 1200 anëtarë, edhe pse vetë ajo ishte e sëmurë nga hemiplegia.

Dhe atë vendimin e prerë që mora unë personalisht për t’u bërë legjenda e Egjiptit në ping-pong përkrah faktit se kishte më shumë se 200 lojtarë dhe gati të gjithë ishin më të mirë se unë në kohërat e tyre. Por garat i fitova unë dhe përfaqësova Egjiptin në garat botërore që u mbajtën në Gjermani në vitin 1969. Por edhe vendimi që unë mora për të udhëtuar në Kanada që të realizojë ëndrrën time të dytë, e ajo është arritja në shkallën më të lartë të udhëheqjes hotelerike. Kjo përkrah faktit që unë isha i huaj në atë vend dhe ishte shumë e vështirë arritja e asaj që dëshiroja. Por unë kisha marrë vendim të prerë, pastroja pjatat në restorante dhe ndiqja studimet në Universitetin e Konkoridës. Kaluan ditë e vite dhe unë vazhdimisht ballafaqohesha me sfida të ndryshme, nga ato sfida ku si shembull do t’ju përmend dallimin fetar dhe nacional nga i cili kisha vështirësi për ta gjetur veten time. Kisha shumë kërcënime, saqë u kërcënova edhe për gruan dhe fëmijët. Por – falë All-llahut të Madhërishëm – ia arrita qëllimit dhe u bëra drejtori kryesor i hoteleve më të mëdha të Montrealit.

Ky është ai “vendimi i prerë” për të cilin po flas, vendimi i cili nuk mund të guxosh ta ndërrosh sado që të ketë pengesa dhe sfida. Sepse sfidat nuk janë asgjë, përveçse përvoja dhe aftësi që i përfiton njeriu gjatë rrugës drejt qëllimit. Për këtë, duhet që tani të vendo- sësh në mënyrë të prerë që të bëhesh më i mirë në çdo sferë të jetës tënde. Dhe kujto se nëse ndonjë njeri ka arritur ndonjë gjë apo ka realizuar diçka nga ëndrrat e tij, edhe ti ke mundësi ta arrish të njëjtën gjë, mbase t’ia tejkalosh.

 

\Strategji të të menduarit\