TAP-i do ti sjellë Shqipërisë infrastrukturën e gazit

0
55
Ndërtimi i gazsjellësit “Trans Adriatic Pipeline” (TAP) do të krijojë mundësinë që Shqipëria të zhvillojë tregun e gazit.
 
Ndërtimi i gazsjellësit “Trans Adriatic Pipeline” (TAP), që nis sivjet, do të krijojë mundësinë që Shqipëria të zhvillojë tregun e gazit, për të cilin industritë dhe termocentralet në vend kanë interes të madh.
 
Për këtë qëllim, qeveria shqiptare po ndërmerr hapat e duhur në mënyrë, që në vitin 2019-2020, kur gazi të nisë kalimin nëpër tubacionet e TAP-it, Shqipëria jo vetëm që do të lidhet me të, por të ketë infrastrukturë të zhvilluar dhe plane konkrete për zhvillimin e tregut të gazit, thanë sot për ATSH burime zyrtare të ministrisë së Energjetikës dhe Industrisë (MEI).
 
Këtij qëllimi i shërben Memorandumi i bashkëpunimit mes qeverive të Shqipërisë dhe Azerbajxhanit, ku SOCAR do të financojë studimin e fizibilitetit në funksion të gazifikimit të vendit tonë, ndërsa “Western Balkans Investment Framework” (WBIF) ka miratuar financimin 1.1 milion euro për hartimin e Masterplanit të Gazit.
 
MEI ka firmosur së fundi një marrëveshje granti me vlerë 6.6 milion euro dhënë nga Sekretariati Shtetëror Zviceran për Çështjet Ekonomike (SECO) për zhvillimin e infrastrukturës së lartë të gazit në Shqipëri, përmirësimin e kapaciteteve të institucioneve shtetërore për menaxhimin e tregut, duke krijuar kushtet e përshtatshme të kuadrit dhe për të përgatitur terrenin për furnizim të mundshëm me gaz të vendit.
Nga burimet e kompanisë azere të naftës dhe gazit SOCAR, viti 2015 shënon fazën aktive të ndërtimit të Korridorit Jugor të Gazit, që përfshin gjithë elementët e tij, duke filluar nga projekti i Shah Deniz dhe infrastrukturës së gazit në Azerbajxhan.
 
Ndërkohë, projekti TAP po avancon punën edhe me Italinë, ku ka ftuar kompanitë e para-kualifikuara për ndërtimin e terminalit gazsjellës dhe instalimin e gazsjellësit nëntokësor atje.
 
Afati i fundit për kompanitë për të kërkuar pyetësorin para-kualifikues është data 7 prill dhe mendohet që TAP të shpallë në 22 prill tenderin për ndërtimin në nëntokë në Itali.
 
TAP do të transportojë gaz natyror nga fusha gjigande e Shah Deniz II në Azerbajxhan për në Evropë. Gazsjellësi me gjatësi prej rreth 870 km do të lidhet me Gazsjellësin Trans Anatolian (TANAP) në afërsi të kufirit turko-grek në Kipoi, do të përshkojë Greqinë, Shqipërinë dhe Detin Adriatik dhe do të dalë përsëri në tokë në Italinë e Jugut.kohaislame

PËRGJIGJU

Please enter your comment!
Please enter your name here